Plantun de Prouvènço

Pèr coumpara dos planto d'encò nostre

Crepis aurea & Plumbago europaea

Crepis aurea

Asteraceae Compositae

Noms en français : Crépide dorée, Crépide orangée.

Descripcioun :
Lou lachassoun-daura fai de poulìdi flour coumpausado dins li pelouso e melounié dis Aup de l'uba. L'atroubarés pas dins lis Aup dóu miejour. Li fueio an quàsi ges de péu, au contro di bratèio que n'en porton de proun negre (fotò). I'a pas pèr s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Crepis
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Aranjado
Petalo : >6
Ø (o loungour) enflourejado : 2 à 3 cm
Flourido : Printèms - Estiéu

Sòu : Ca
Autour basso e auto : 1000 à 2600 m
Aparado : Noun
Jun à avoust

Liò : Pelouso - Melounié
Estànci : Mountagnard à Aupen
Couroulougi : Ouroufito-Sud-Éuroupenco
Ref. sc. : Crepis aurea (L.) Cass., 1882

Erbo-di-rascas

Plumbago europaea

Plumbaginaceae

Àutri noum : Erbo-enrabiado, Bagoun, Erbo-de-la-rougno, Erbo-di-couquin, Malo-erbo.

Noms en français : Dentelaire, Malherbe.

Descripcioun :
L'erbo-di-racas, mens coumuno qu'à passa tèms, trachis en ribo de camin, i pèd de muraio e dins lis escoumbre ounte flouris amé de poulìdi flour vióuleto, à la fin de l'estiéu. Es uno planto eisado de recounèisse emé si flour e si fru pegous qu'arrapon li péu e li teissu.

Usanço :
Èi couneigudo au nostre pèr garris la rasco. Ramentèn qu'aquesto malautié de pèu e de péu s'aprèn à de champignoun coume Microsporum canis. Freta la bèsti emé d'òli de bagoun (adouba en fasèn bouli la planto dins l'òli). Se dis peréu qu'en mastegant la racino, apaisso li ràbi de dènt (erbo-enrabiado)-TdF. Pamens se n'en fau mesfissa que fretado sus la pèu pòu douna d'enflamacioun.